'Āpo'ora'a a te mau Fa'atere Hau 04 no tiurai 2026

Ua vauvau atu te Peretiteni o Porinetia farāni nei i te tahi 'ōpuara'a parau mana no te fa'ata'ara'a i te tahi tauturu moni e 350 000 F CFP i te tā'atira'a A Tauturu ia na no Papara i roto i te fa'anahora'a tauturu no te Ha'amaura'a Natirara (ACN).

Ha'amauhia na i te matahiti 2001 ra e  fa'a'ōhipa fa'ahouhia i te 2023 ra, te tā'atira'a A Tautur ia na no Papara o te tahi ia tā'atira'a e te 'ore e 'imi i te moni e tei pūpū ia na i roto i te parau no te 'āpe'era'a i te nūna'a no Porinetia nei e fa'aruru i te parau no te ma'i fa'reva (EVASAN) e na reira ato'a ho'i i te 'āpe'era'a i to rātou mau 'ūtuafare. Te ha'a nei teie tā'atira'a i pīha'i iho i te feiā ma'i e fa'arevahia i Tahiti, i Ao Tea Roa e āore ia i Farāni, mā te hōro'a ia rātou i te tahi tauturu i te pae no te fa'aitoitora'a i te 'āāu, te ferurira'a e i te pae tōtiare i te roara'a no te reira tau huru fifi e te hepohepo mā te 'ōhipa ato'a i pīha'i iho  i te mau 'utuafare no te fa'aara ia rātou, no te arata'i ia rātou e no te tauturu ia rātou i roto i ta rātou mau terera'a 'āhiipa ato'a.

Teie nei tauturu moni, e tauturu ia i te tā'atira'a i te amora'a i te ha'amaura'a i te tahi tahua natirara o te ha'apāpā i te arata'ira'a e te mea e tītauhia ia na, i roto i te reira, te tahi ia tahua no te mau tauturu na ni'a i te natira'a tei pāruruhia. Teie nei 'ōpuara'a te tauturu ti'a nei ia i te tupu tāmaura'a no ta na mau tūha'a 'ōhipa no te 'āpe'era'a.

Teie nei arata'ira'a “ACN”, tauturuhia e te ture fenua n°2022-32 no te 23 no ātete 2022, ta na fā o te 'āpe'era'a ia i te feiā ato'a i roto i ta rātou 'imira'a rāve'a i te pae o te natirara mā pa'epa'e i te ha'amaura'a  i te mau tahua natirara e te mau rāve'a i ni'a i te niuniu 'āfa'ifa'i, rāve'a no te ha'amaita'i i te maramaramara'a e te fa'ahotura'a i te fa'aravai'ra'a faufa'a a te mau taiete no Porinetia nei.

Ua vauvau atu te fa'atere vahine no te Ha'api'ira'a, no te Ha'api'ira'a teitei e no te Hīro'a tumu i te tahi mai parau mana o te ha'amana i te fa'ata'ara'a i te mau tauturu moni no te pae o te fa'a'ōhipara'a e no te fa'ahotura'a i fare ha'api'ira'a teitei, no te amo i te mau tātā'ira'a e no te ho'o mai i te mau tauiha'a 'ōhipa hīna'arohia no te tere maita'ira'a no ta rātou mau fa'anahora'a

Ua tu'u atu te Fa'atere Hau no te Tū'aro, no te Feiā 'āpī, no te Araira'a i te mau 'Ōhipa 'Ī'ino i te tahi mau 'ōpuara'a parau mana o te ha'amana i te fa'ata'ara'a i te mau tauturu moni no te pae o te fa'a'ōhipara'a i te mau tā'atira'a e ha'a nei i te pae no te tū'aro, no te feiā 'āpī e no te rima 'ī, no te tahi fāito e 87 627 836 F CFP.